Día da biblioteca

O 23 de outubro celebramos o Día Internacional das Bibliotecas. No colexio realizamos varias actividades, que estivemos preparando ao longo durante toda a semana, entre as que destacan:

Galería de imaxes das actividades realizadas

• Entrega dos carnets lectores ao novo alumnado do centro.
• Exposición dos novos marcapáxinas elaborados polo alumnado e que servirán de marcadores nos andeis da biblioteca.
• Entrega de premios aos gañadores do concurso de marcapáxinas. Preme para ver aos gañadores.
• Representación do conto de medo "O fantasma burlón" no teatro de guiñol, para ir introducindo a semana do Samaín.

• Presentación do novo traballo colaborativo que realizaremos entre toda a comunidade educativa e que consistirá na elaboración dun libro de contos sobre Xuve que unha vez rematado pasará a engrosar os fondos da biblioteca.
• Presentación das mochilas viaxeiras deste curso.
• Concurso de recitaxe de poemas sobre a biblioteca con elección do mellor curso de recitadores.
  • Amigo libro. 1º Ciclo de Ed. Primaria.
  • Adiviñas de Educación Infantil.
  • A biblioteca é un lugar. 2º Ciclo de Ed. Primaria.
  • Poema dedicado á biblioteca. 3º Ciclo de Ed. Primaria.

• Información das actividades a realizar desde a biblioteca para a celebración do Samaín.
• Visionaremos o seguinte vídeo, que realizaron os nosos compañeiros do CEIP Curros Enríquez de Celanova, sobre o funcionamento da biblioteca.

Biodiversidade en Galiza

Despois de visitar a exposición sobre diversidade en Galiza que hai no noso Concello, imos facer un traballo de investigación, sobre un dos paneis visitados, en equipos de dúas persoas.
O traballo reflictirédelo nunha folla tamaño A4.

Programa proxecta: Xogade

Este ano, volvemos repetir a experiencia destes últimos anos nos Xogos Galegos Deportivos en Idade Escolar.

As modalidades nas que participamos son: cross; fútbol sala; balonmán; xogando ao atletismo. 

Tamén solicitamos varias actividades do programa Actividade lúdica, séndonos concedida a de Colombofilia.

Participarán destes deportes todos os alumnos do 2º e 3º ciclo.

Se premedes na imaxe obteredes máis información sobre a campaña 2012/2013.

A nosa clase

Aquí estamos todos os compañeiros e compañeiras de terceiro ciclo de Ed. Primaria.

Que guapos e guapas estamos!!! non si!!

Lipdub "Eu falarei"

O EDL do IES de Chapela elaborou este fermoso Lipdup que non se aburre un de ver.

Coñecendo o aula virtual

Ao igual que o curso pasado, todo o material que necesitemos para traballar os contidos explicados na clase estarán accesibles no Aula virtual do colexio.

Alí atoparemos os diferentes cursos de Matemáticas, Coñecemento do Medio, Galego,...

Deberedes de visitar o aula con frecuencia para poder repasar todo o explicado na clase.

Premendo na imaxe faremos unha pequena visita polos diferentes cursos que nela hai. Ao rematar a visita, deberedes facer un comentario sobre o que vos pareceu.

Benvidos todos e todas!!

Ola a todas e todos!!

Un ano máis volvemonos a ver na titoría de 3º ciclo do CEIP Nosa Sra de Xuvencos. Entre toda a comunidade educativa intentaremos facer deste blog un punto de encontro no que reflictir todas aquelas tarefas e inquedanzas sobre as que traballemos ao longo deste novo curso.

...o verán pasou máis rápido do que algún quixera...pero o bo deste reencontro, é que vimos coas pilas cargadas e con moitas ganas de traballar e aprender cousas novas.

Para comezar, cada un de nós irá facendo un comentario de benvida a esta nova.

Vídeo actividades curso 2011/2012

No seguinte vídeo resumimos o que foi o curso académico 2011/2012, esperemos que sexa do voso agrado.

Entrega de Premios Antón Losada

Entrega do libro á filla de Antón Losada, Mercedes

O día 9 de maio participamos na entrega dos Premios Antón Losada que este ano recaeron en dous escritores de recoñecido prestixio: Agustín Fdez Paz pola obra "Non hai noite tan longa" e Xesús Alonso Montero pola biografía de "Aníbal Otero"

O alumnado do noso centro fixo entrega dun libro/caderno á filla de Antón Losada que elaboramos cos mellores traballos realizados por eles ao longo do terceiro trimestre, dentro do proxecto documental sobre a vida e obra de Antón Losada Diéguez, que coordinou o equipo de biblioteca e o EDL do colexio.

No acto, ademais dos premiados, estiveron presentes os Alcaldes de Boborás e o Carballiño, acompañados dos Concelleiros de Cultura. Asemade, presidiu a entrega de premios o Conselleiro de Educación e Cultura da Xunta de Galiza.

Foi un acto moi importante para nós, xa que non hai nada máis confortable que dous ilustres escritores, e o mesmo Conselleiro de educación, te feliciten polo traballo realizado.

Desde aquí, queremos dar os nosos parabéns aos escritores premiados, sen esquecernos dos organizadores do evento, especialmente da Tenente Alcalde, pola súa implicación neste acto en prol da cultura galega.

Galería de imaxes

Podcast para a defensa e fomento do galego

Imos realizar un podcast para a defensa e fomento do galego.
Dálle ao play e oirás que é o que tes que facer.

Podcast by xuvencos