O xoves 16 de febreiro celebramos o xoves de comadres no colexio. Todo o alumnado e profesorado asistiu disfrazado ao colexio. Este ano a imaxinación na confección dos disfraces foi espectacular e a calidade e orixinalidade dos mesmos provocou que foran moitos os premiados no desfile de disfraces que realizamos pola tarde.
O venres 17 de febreiro, como acto final da semana do entroido, realizamos o desfile de entroido desde o colexio ata o Concello de Boborás, pasando polas principais rúas do pobo. A participación da comunidade educativa foi moi alta, a pesar da hora en que se celebrou. 
 | MANDAS DO MECO O luns, trece trae algo na cabeza, pois comeza o entroido que non che de pereza. O martes, día catorce trae os zapatos diferentes, e ponte algo vermello se namorado te sentes. O mércores, día quince no teu corpo has de poñer algo que chame a atención e simpático deberá ser. O xoves, día dezaseis se no cole queres entrar disfrázate do que queiras e así poderás pasar. E o venres, día dezasete... ¡¡Brancaneves e os ananiños por Boborás desfilarán e a gran chocolatada comerán!! | Invitación Descargar mandas  |
O día 2 de febreiro participamos na final comarcal de Campo a través na magnifica paraxe do Puzo do Lago de Maside.
O martes, 31 de xaneiro, celebramos no colexio o Día da Paz e Non Violencia coa realización de múltiples actividades que foron desenvolvidas ao longo da semana previa a esta data.