Xuvencos 2.0

Un misterio na mochila de Alba

2012-03-09T15:42:00.000+01:00

Un misterio na mochila de Alba

Concurso de cartaces de galego

2012-03-08T23:53:00.003+01:00

Un ano máis, participaremos no o IV concurso para a defensa e promoción do galego que organiza á Coordinadora de EDL da Comarca do Carballiño. A edición deste ano terá dúas modalidades: unha de cartaces, coma en anos anteriores, para Ed. Infantil e Ed. Primaria e unha de marcapáxinas para o alumnado de ESO e Bacharelato.

Bases xeraisAs bases de participación son as seguintes:

1º Poderá participar todo o alumnado dos centros adscritos á Coordinadora.

2º As propostas poderán ser presentadas individualmente ou en grupos.

3º Os traballos serán presentados antes do 20 de Abril en cada un dos centros para unha selección previa. Esta selección será realizada en cada centro polo ENDL, aportando ao conxunto da comarca tres traballos de cada ciclo.

4º O Xurado que outorgará os premios estará composto polas persoas que compoñen o Equipo de Coordinación de Normalización Lingüística da Comarca.

5º Algún dos premios poderá quedar deserto se a calidade dos traballos presentados así o suxire.

6º Os gañadores serán comunicados a través deste Blog antes do Día das Letras Galegas.

Modalidade de cartaces para Ed. Infantil e Ed. Primaria

As bases de participación son as seguintes:

1º -O tema será a defensa e/ou a promoción do galego dirixido á xente máis nova.

2º- Os traballos deberán ser inéditos e totalmente orixinais, que se adapten ao formato DIN A3 para a súa posterior publicación, compostos por un lema en galego para promover o uso da nosa lingua e un deseño en consonancia.

3º Haberá un premiado por ciclo ou nivel educativo:

Infantil, 1º ciclo de primaria, 2º ciclo de primaria, 3º ciclo de primaria.

Na seguinte ligazón atoparedes os gañadores da convocatoría do ano 2009. Cartaces gañadores.

Modalidade de marcapáxinas para ESO e Bacharelato

As bases de participación son as seguintes:

1º O tema será a defensa e/ou a promoción do galego.

2º Os traballos deberán ser inéditos e totalmente orixinais, que se adapten ao formato en cartolina de tamaño 20 cm de largo por 5 cm de ancho.

3º Haberá un premiado por ciclo ou nivel educativo: 1º Ciclo, 2º Ciclo e Bacharelato.

Campanas de Bastabales

2012-03-08T23:26:00.000+01:00

Aquí está a nosa interpretación do poema de Rosalía de Castro "Campanas de Bastabales" con música de Amancio Prada.

8 de marzo, Día da Muller Traballadora

2012-03-08T20:58:00.000+01:00

Hoxe conmemoramos o Día da Muller Traballadora. Esta é unha celebración que as Nacións Unidas declararon no ano 1978, pero que ten a súa orixe no ano 1908 en Nova York.
UD que elaborou o Equipo de Biblioteca.

Unha das actividades foi a realización dunha enquisa na nosa familia para ver como se compartían as tarefas do fogar.

Na seguinte ligazón podedes cubrir a enquisa.

Na seguinte ligazón atoparedes os resultados da enquisa

Unha vez analizados os resultados da enquisa deberedes deixar un comentario persoal sobre os datos obtidos.

As palabras máxicas

2012-03-05T03:00:00.000+01:00

Vemos con atención o seguinte vídeo. A continuación reflexionaremos sobre el.

24 de febreiro, Día de Rosalía de Castro

2012-02-24T01:55:00.001+01:00

O 24 de febreiro está recollido oficialmente como Día de Rosalía de Castro pola Consellería de Cultura e Educación no seu Calendario do Libro e da Lectura. Este ano celebramos o 175 aniversario do seu nacemento.

Para saber un pouco máis sobre a súa vida e obra observa detidamente este vídeo:

Escoita estes dous poemas dela e aprende de memoria o que máis che guste para recitalo ante a clase:

Campanas de Bastabales:

Adios ríos, adios fontes

Negra sombra

Materiais para traballar na clase:

Vida e obra elaboradas polo EDL do cole.
Actividades elaboradas polo equipo de biblioteca de Caratola Tola
Actividades en LIM do equipo de biblioteca de Caratola Tola.
Fac-símili de Follas Novas

Celebración do entroido

2012-02-18T11:10:00.001+01:00

XOVES DE COMADRES

O xoves 16 de febreiro celebramos o xoves de comadres no colexio. Todo o alumnado e profesorado asistiu disfrazado ao colexio. Este ano a imaxinación na confección dos disfraces foi espectacular e a calidade e orixinalidade dos mesmos provocou que foran moitos os premiados no desfile de disfraces que realizamos pola tarde.

Foi unha xornada educativa-festiva na que estivo presente o espírito rural e enxebre desta festa na que non faltou boa música para mover o esqueleto sen parar.

Podes ver máis imaxes na Galería do Colexio
Estamos elaborando o vídeo desta celebración que pronto será colgado na web.

VENRES DE ENTROIDO

O venres 17 de febreiro, como acto final da semana do entroido, realizamos o desfile de entroido desde o colexio ata o Concello de Boborás, pasando polas principais rúas do pobo. A participación da comunidade educativa foi moi alta, a pesar da hora en que se celebrou.

Este ano o tema central do entroido foi o conto de "Brancaneves e os sete ananiños", na galería de imaxes podedes observar o lucidos que quedaron os disfraces que elaboraron os nenos e nenas con axuda dos seus mestres e mestras.

Como colofón final, a esta celebración, invitámos a todas e todos os participantes no evento a unha chocolatada con churros e bica elaborada pola nosa fabulosa cociñeira Ana.

Podes ver máis imaxes na Galería do Colexio
Estamos elaborando o vídeo desta celebración que pronto será colgado na web.

O entroido en Galiza

2012-02-14T23:10:00.001+01:00

Hoxe imos a pescudar sobre o entroido en Galiza, para elo realizaredes a seguinte Caza do Tesouro.

Día de San Valentín

2012-02-13T23:20:00.002+01:00

No Día de San Valentín traballaremos as lecturas que se vos ofrecen na seguinte ligazón.
O poema recitarédelo por parellas ante toda a clase.
Podedes visionar en Youtube algún video onde se recite o poema "Amor eterno" de Gustavo Adolfo Becquer.

Mandas do entroido

2012-02-13T00:13:00.000+01:00

O profesorado e alumnado de 3º Ciclo está a cumprir coas mandas que ten imposto o meco do colexio.
Para ver todas as imaxes premede na imaxe da dereita.

As mandas da semana do entroido

2012-02-12T23:14:00.000+01:00

Xa chegou o entroido a Boborás!!

Este ano o meco tráenos as seguintes mandas

MANDAS DO MECO

O luns, trece
trae algo na cabeza,
pois comeza o entroido
que non che de pereza.

O martes, día catorce
trae os zapatos diferentes,
e ponte algo vermello
se namorado te sentes.

O mércores, día quince
no teu corpo has de poñer
algo que chame a atención
e simpático deberá ser.

O xoves, día dezaseis
se no cole queres entrar
disfrázate do que queiras
e así poderás pasar.

E o venres, día dezasete...
¡¡Brancaneves e os ananiños
por Boborás desfilarán
e a gran chocolatada comerán!!

Invitación

Descargar mandas

Entroido en Galiza

2012-02-12T05:18:00.004+01:00

Elaboramos un libro electrónico sobre as principales manifestacións do entroido en Ourense que pretendemos ir ampliando pouco a pouco.

Para visitala preme na imaxe:

Final comarcal de campo a través

2012-02-06T00:12:00.003+01:00

O día 2 de febreiro participamos na final comarcal de Campo a través na magnifica paraxe do Puzo do Lago de Maside.

Nunha mañá soleada, aínda que fría, 270 corredores pertencentes aos colexios: CEIP de Bearíz; CEIP Nosa Sra de Xuvencos de Boborás; CEIP Virxe Pena da Sela do Irixo; CEIP Eulogio Gómez Franquira de San Amaro; IES nº 1 do Carballiño; CPR Sagrado Corazón do Carballiño e CPR Vila do Arenteiro do Carballiño participaron nas categorías de benxamín, alevín, infantil e cadete.

Este ano, as inscricións sufriron unha merma considerable debido á protesta que moitos centros públicos están a facer contra as directrices e normativas que está a ditar a Xunta de Galiza e que redundan negativamente na calidade do ensino.

Felicitamos a todas e todos os participantes e en especial aos que acadaron subir ao podio do noso colexio: Amancio Sanjurjo en categoría infantil masculino e Sara Ramírez en categoría infantil feminino.

As clasificacións completas podédelas descargar aquí:

Cadro de honra
Clasificación individual por categorías
Clasificación por equipos

Na seguinte ligazón podedes acceder á reportaxe fotográfica da carreira

Video das carreiras:

Os nosos traballos do Día da Paz

2012-02-06T00:08:00.002+01:00

O martes, 31 de xaneiro, celebramos no colexio o Día da Paz e Non Violencia coa realización de múltiples actividades que foron desenvolvidas ao longo da semana previa a esta data.

Este ano, a actividade estrela foi a interpretación dunha versión moi peculiar do baile de moda en todo o mundo, orixinal de Michel Teló e titulado "Ai, se eu te pego". Nós titulámolo "Ai, eu non pego!".

Nas seguintes ligazóns podedes ver o resumo das actividades realizadas:

Reportaxe fotográfica

Video do baile

Video coas actvidades do Día da Paz e non Violencia

Como facer un traballo

2012-02-06T00:05:00.000+01:00

Aquí tendes resumidos os pasos que hai que seguir para realizar un traballo de investigación con éxito.

COMO FACER UN TRABALLO MONOGRÁFICO

More PowerPoint presentations from CEIP DE LEIRADO

Día da Paz e non Violencia

2012-01-30T02:00:00.001+01:00

Visionade o seguinte video e reflexionade en grupos de 4 sobre el, elaborando, asemade, un listado de ideas.
Posteriormente faremos unha posta en común, destas ideas, entre todos os membros da clase.

Ai! eu non pego

2012-01-30T01:51:00.001+01:00

Esta é a letra e a música da canción que imos a interpretar o Día da Paz e non Violencia no centro.

AI! EU NON PEGO

RETROUSO
Mozos, mozas así vemos a paz
Ai! Eu non pego. Ai ai! Eu tolero.
Caricias, caricias, eso gústanos mais.
Ai! Eu non pego. Ai ai! Eu perdoo.

1ª ESTROFA
Luns recreo na fila,
meu amigo intentouse colar
e chegou a pelexa mais tonta,
tomei coraxe e fixemos a paz.

2ª ESTROFA
Mércores, clase de mates,
un neno púxose a protestar,
a piques de baixarlle un puntiño
reflexionamos e fixemos a paz.

A música esta nesta ligazón do noso Colexio

Algún día...

2012-01-30T01:43:00.001+01:00

Visionade este fermoso video prestando moita atención a todo o que nel acontece xa que despois reflexionaremos sobre o seu contido.

"Sé o cambio que queres ver no mundo"
Gandhi.

Unha vez analizado o video deberedes deixar un comentario neste artigo.

Día da Paz e Non Violencia

2012-01-28T19:26:00.003+01:00

Unha vez que teñades preparada a lectura sobre o Día da Paz e non Violencia tedes que completar o seguinte Caza do Tesouro e entregar as cuestións ao titor. Coa tarefa da Gran pregunta realizaremos unha exposición nos taboleiros do 3º Ciclo.

Dicionario galego Ir Indo

2012-01-12T21:21:00.004+01:00

Para acceder a este dicionario deberás utilizar os seguintes datos:
Clave: Centro824
Usuario: 32002122

Estas son as nosas actuacións

2011-12-23T00:37:00.004+01:00

O traballo ben feito...ben parece!!

Ai se eu te pego

Plese baby come home

Festival de Nadal

2011-12-23T00:26:00.001+01:00

O martes, día 20 de decembro, celebramos con moito éxito o “Nestival de Nadal”. Contamos coa presenza de numerosos familiares e amigos dos pequenos artistas do colexio. Se seguemos con este nivel de participación teremos que buscar un sitio máis amplo para estas xornadas festivo-educativas.

Se premedes nas ligazóns do programa de actuacións poderedes ver os videos das diferentes representacións.

Esperamos que foran do voso agrado!!

Este é o programa de actuacións:

1. PANXOLIÑA: Toca a pandereta (Alumnado do PAI).
2. “OS PASTORES VAN VER AO NENO” (EI:3,4,5 anos).
3. BAILE: “PASADO PISADO” (Primaria).
4. OBRA INGLÉS : “RUDOLF” (3º/2º ciclo).
5. BAILE: “ PLEASE, BABY COME HOME” (Primaria).
6. OBRA: “TEATRILLO DE LOS NÚMEROS” (1ºciclo).
7. CHRISTMAS CAROL:”JINGLE BELLS” (3º/2º ciclo).
8. BAILE: “BYE, BYE PICOLINA” (EI:4,5 anos).
9. OBRA: “SECUESTRARON A PAPA NOEL” (3º/1º ciclo).
10. OBRA: “O PAXARIÑO FERIDO” (2º ciclo).
11. BAILE: “ AI SE EU TE PEGO” (3º ciclo).
12. OBRA: “EL ARBOL DE NAVIDAD” (1º CICLO).
13. FRAUTAS 3º CICLO.
14. PANXOLIÑA (primaria).
15. PREMIOS POSTAIS DE NADAL: Do Concello e do colexio.
16. PREMIOS AOS MELLORES LECTORES DO TRIMESTRE.
17. VISITA DE PAPÁ NOEL

Guía lectura de Nadal 2011

2011-12-19T02:56:00.000+01:00

Esta é a guía de lectura que vos recomendamos desde o Equipo de biblioteca para que utilicedes nas vosas compras e peticións de agasallos nestas vacacións de Nadal.

... e recorda:

"Para viaxar lonxe...

...non hai mellor obxecto...

...que un libro!!

Concurso de postais do Nadal

2011-12-16T16:22:00.000+01:00

Este ano volvemos a convocar o concurso de postais de Nadal no centro.
Eleximos a dous premiados por cada Ciclo, e cos catro mellores traballos confeccionamos un almanaque para o Ano 2012.
Premiados:
Ed. Infantil:

Enma Brull Pagán
Paula Crespo Rodríguez
Paula Cabaleiro Gómez

1º Ciclo de Ed. Primaria

Laura González Nedler
Adrián González Díaz

2º Ciclo de Ed. Primaria

Iván Pérez Álvarez
Héctor Fernández Martínez

3º Ciclo de Ed. Primaria

Gabriel Maía Dacosta
Alejandro Iglesias Pérez

O almanaque foi repartido entre toda a comunidade educativa.
Asemade, podedes descargalo premendo na imaxe do mesmo.

Nunca sen almorzo

2011-12-16T16:20:00.000+01:00

O 15 de decembro participamos no programa formativo da Consellería de Sanidade "Nunca sen almorzo".
A xornada educativa foi un tanto especial, xa que ao chegar ao centro tivemos unha clase formativa a través de persoal da Consellería de Sanidade e a continuación pasamos a disfrutar dun almorzo saudable que nos preparou a cociñeira do noso centro a base de froita, cereais, lácteos, tostas de pan, manteiga, mermelada... é unha pena que isto non pase todos os días.
Ao rematar, nos agasallaron cuns marcapáxinas que traen información básica para realizar un almorzo completo e equilibrado.
Para descargar as imaxes preme aquí

Fetival de Nadal

2011-12-06T23:58:00.000+01:00

Aquí tedes a coreografía que imos a realizar no Festival de Nadal.

Campo a través: puzo do Lago

2011-11-29T15:23:00.001+01:00

O xoves, 24 de novembro, celebrouse a primeira proba de campo a través do curso 2011/2012 no Puzo do Lago de Maside, organizada pola Agrupación Deportiva Arenteiro.

Participamos un total de 8 centros educativos da comarca do Carballiño con 251 atletas inscritos.

A xornada deportiva estivo acompañada dun soleado día, o que axudou a que fose unha gran festa do deporte escolar da comarca.

Hai que felicitar a todos os participantes polo bo comportamento no desenvolvemento das diferentes probas e en especial aos corredores que conseguiron subir ao podio.

Clasificacións:

Imaxes da competición

Máis información no Blog da Agrupación Deporiva Arenteiro.

Banda deseñada

2011-11-29T14:43:00.004+01:00

Durante este mes ides a crear un comic co programa de banda deseñada de Bitstrips.

Para acceder ao taller de creación deberás utilizar as contrasinais que che indique o titor.

Una vez feitos os traballos, cada alumno deberá facer un artigo no seu blog sobre o comic e porlle unha ligazón ao mesmo.
Na seguinte liagzón atoparás os traballos que se están relaizando: Galería de comic.

Magosto 2011

2011-11-19T15:17:00.000+01:00

O 17 de novembro celebramos o magosto no centro, cun pouco de retraso por culpa do mal tempo que tivemos na semana do San Martiño.

A comida, coma en anos anteriores, foi a base de chourizo con pan, bica e castañas asadas.

Durante toda a xornada realizamos diferentes actividades e xogos nos que participou todo o alumnado do centro.

Imaxes do magosto

A lingua sabe a pan

2011-11-14T23:21:00.002+01:00

Este fermoso video foi realizado por todos os membros da comunidade educativa do CPI Vircxe da Saleta de Cea. Parabéns para todos estes artistas.

A Lingua sabe a Pan from cpivirxedasaleta on Vimeo.

4 de novembro Día da Ciencia

2011-10-30T05:55:00.005+01:00

O 4 de novembro celebraremos o Día da Ciencia que este ano está adicado a Marie Curie e a María Wonenburger.
No aula deberedes ler toda a información que se vos ofrece no seguinte glogster e realizar as tarefas que se vos encomendan.

Cartaces da WQ do samaín

2011-10-28T03:01:00.001+02:00

Estes son os cartaces realizados coa webquest do Samaín.

Visita ao Concello

2011-10-28T02:38:00.000+02:00

O venres 28 de outubro acercámonos ata o Concello de Boborás para presenciar unha exposición sobre o cambio climático e o coidado do noso Planeta.

Aproveitamos a ocasión para visitar a Sala de Plenos do Concello e exercer, por uns intres, de representantes do pobo de Boborás.

A experiencia resultou ser moi entretida e divertida.

Celebración do Samaín

2011-10-28T02:09:00.004+02:00

Este ano celebramos o Samaín o xoves 27 de outubro, porque o 31 de outubro foi o Diá da Educación. Fixemos as seguintes actividades:

Decoración dos corredores e aula.
Concurso de cabazas con exposición das mesmas.
Pescudas de información sobre o Samaín.
Vestimos á momia.
Xogos das tumbas.
Búsqueda de diaños, agochados no patio.
Xogos de mímica sobre o Samaín.
Bailes do Samaín.
...

Visita a galería de imaxes
Se queredes ver en que consistiron estas actividades, premede no video de máis abaixo.

Webquest do Samaín

2011-10-27T10:49:00.002+02:00

Hoxe realizaredes a Webquest do Samaín que temos na nosa aula virtual.
A recopilación de datos para completar o esquema farédelo de xeito individual. Para a realización do cartaz podédesvos xuntar por parellas.

Día da Biblioteca

2011-10-22T00:39:00.005+02:00

A principios de mes foi reaberta, ao estupendo público lector que temos no colexio, a biblioteca escolar do centro.

Durante a semana anterior á celebración do Día das bibliotecas escolares realizamos na BE do centro diversas actividades, encamiñadas a estimular o uso da mesma, entre o alumnado do centro:

Realización de diversas actividades de formación de usuarios.
Diversas actividades de formación de colaboradores da BE.
Entrega de carnets de lectores ao novo alumnado.
Realización de novos marcapáxinas para facilitar a recolocación dos libros nos andeis.
Memorización e recitación de varios poemas alusivos á biblioteca.
Realización dun gran cartaz na entrada da biblioteca onde cada alumno foi colocando un libro ou conto que lle deixase pegada.
Reparto de novos trípticos coa normativa da BE.
Entrega das mochilas viaxeiras ao alumnado de Educación Infantil.
Representación, no rincón de prelectores, dun teatro de guiñol a cargo do alumnado de 3º Ciclo e destinado ao alumnado de Educación Infantil.

Preme para ver a reportaxe fotográfica.

Coidando o Medio Ambiente

2011-10-21T02:02:00.008+02:00

O mércores 17 de outubro participamos nun obradoiro de Medio Ambiente que organizou o Concello de Boborás, no que realizamos unha serie de actividades destinadas a sensibilizarnos sobre o coidado do noso Planeta.

Escoitamos unha historia moi fermosa sobre un paxariño enfermo; elaboramos varios cartaces alusivos ao coidado do Medio Ambiente; realizamos un debate sobre cada un destes temas ambientales e para rematar fixemos un xogo de preguntas.

Ao final, recibimos de agasallo un ioió moi chulo.

Ver reportaxe fotográfica

Cartaz dos Seres Vivos

2011-10-15T03:10:00.000+02:00

Cartaz realizado por todo o alumnado de 3º Ciclo sobre o tema dos Seres Vivos.

Hora de Ler

2011-10-11T01:47:00.001+02:00

Que opinas ti?

Aprendendo a recirtar

2011-10-10T23:48:00.000+02:00

Este é o resultado da aprendizaxe do primeiro poema deste curso.

Facendo probas co meu blog

2011-09-16T12:45:00.002+02:00

Hoxe crearemos un blog cada un de nós dentro de Blogger, usando a nosa conta de correo electrónico de gmail.

Una vez creado o blog faremos unha entrada coa tarefa de galego do mércores.

Cando rematemos de facer a entrada, faremos un comentario nesta nova indicando a ligazón da tarefa que fixemos.

Ánimo e sorte.

Benvidos ao curso 2011/2012

2011-09-11T23:51:00.000+02:00

Un ano máis, volvémonos a encontrar no colexio. Este curso vai ter grandes novas e desexamos que a todos e todas vos gusten: Unha delas, e quizás a máis importante, é que desde xa!! pasamos a formar parte do Proxecto Abalar da Xunta de Galicia, o que vai a supor, entre outras cousas, que cada un de nós teña un ordemador Netbook.

Me imaxino que traedes as pilas cargadas para afrontar esta última, pero importante, etapa educativa no noso centro.

Guías de lectura para o verán 2011

2011-06-21T23:50:00.000+02:00

Se premedes no tríptico poderedes descargar as lecturas que vos recomendamos desde o Equipo de biblioteca para este verán.

Esperamos que sexan do voso agrado e que gocedes coa lectura das mesmas.

Letras Galegas 2011

2011-05-17T23:48:00.000+02:00

O Día 16 de maio celebramos no centro o Día das letras Galegas con varias actividades organizadas e coordinadas desde a biblioteca:

Traballo no aula da UD sobre Lois Pereiro que realizaron os mestres do Seminario Galán de Arteixo.
Entrega dos premios aos gañadores do concurso de cartaces que convocara a Coordinadora de Equipos de Normalización e Dinamización Lingüística da Comarca do Carballiño.
Entrega dos premios aos dous mellores lectores de cada Ciclo.
Visionado e Lectura da exposición de cartaces do concurso que convocara a Xunta sobre o poeta Lois Pereiro-
Visita á exposición permanente de cartaces premiados nos últios 3 anos na CENDL e que xa suman máis de 35 cadros que ambientan os corredores e paredes do noso centro.

Imaxes das actividades do Día das Letras Galegas

Correlingua 2011

2011-05-11T23:47:00.000+02:00

O luns 9 de maio participamos na gran festa final do Correlingua que este ano, por primeira vez, se celebrou na vila do Carballiño grazas a Coordinadora de Equipos de Normalización Lingüística, á cal pertencemos, e a colaboración ofrecida polo Concello do Carballiño.

Foi unha xornada lúdico-festiva en apoio da nosa lingua con actividades para os máis cativos e para o alumnado máis grande. Ao finalizar as actividades, quedámos a xantar no Parque de Carballiño completando así unha xornada de festa e convivencia.

Desde a biblioteca e en coordinación co Equipo de Normalización realizamos os cartaces en prol do Galego e axudamos a preparar o manifesto que leron os alumnos máis cativos ( de 2º nivel) nas actividades de títeres que tiveron lugar na praza maior.

Se premedes na imaxe teredes acceso á reportaxe fotográfica.

Lois Pereiro

2011-05-10T23:42:00.000+02:00

Este ano o día das Letras Galegas está adicado a Lois Pereiro.

"Lois Pereiro, nado en Monforte de Lemos en febreiro de 1958, está considerado un mito da poesía galega contemporánea. Formou parte do denominado Grupo de Amor e Desamor, un conxunto de dez poetas da talla de Pilar Pallarés, Lino Braxe, Manuel Rivas, Mato Fondo, Xavier Seoane, Fenán-Vello... A súa obra fai del un autor de culto e representa a renovación e o achegamento aos lectores máis novos."

Seminario Galán.org

Aquí irei colocando as ligazóns que nos resulten útiles para coñecer un poco máis a vida e obra de Uxío Novoneyra:

O Seminario Permanente de Formación do Profesorado do CEIP Galán, en Oseiro-Arteixo (A Coruña), unha vez máis nos achega un fabuloso traballo de investigación sobre o autor homenaxeado nas Letras Galegas, así como unidades didácticas para Ed. Infantil e todos ciclos de E. Primaria. Boísima e imprescindible para traballar no aula. Non deixes de dar unha volta pola súa web.
Materiais que nos ofrecen en .pdf

Educación Infantil
Primeiro Ciclo
Segundo Ciclo
Terceiro Ciclo.
Bibliografía.
Actividades para resolver en liña que farán máis atractivo o estudo da vida e obra de Uxio Novoneyra.
Galería de imaxes do homenaxeado.

Recopilación de recursos da Coordinadora de Equipos de Normalización.. Moi completa.
Actividades en LIM:
- Actividades do CEIP Condesa de Fenosa do Barco.
Actividades en Ardora do CEIP de Pedrouzos.
Presentación da biblioteca Saturnino Hermida.
Real Academia Galega.
Enciclopedia en galego Galipedia.
BVG. Ficha biográfica.
Web diadasletrasgalegas.com
Webquest:
- CEIP Nosa Sra. de Xuvencos de Boborás
Liñas do tempode Uxio Novoneyra:
- Biblosvivos.
Audiobiografía por Mar Sueiro.
Díptico en pdf do CEIP de San Sadurnino.

Coñece a biblioteca do centro

2011-04-13T02:17:00.000+02:00

O equipo de biblioteca en colaboración co equipo TIC do centro elaborou un novo programa de formación de usuarios destinado ao alumnado do 2º e 3º Ciclo de Ed. Primaria para que coñezan un pouco máis e mellor o funcionamento da biblioteca e da CDU.

Conto colaborativo

2011-03-21T02:15:00.000+01:00

A próxima tarefa consistirá na elaboración dun conto por medio dunha wiki. Nela cada un de nós irá completando o conto engadindo un párrafo ao que xa está escrito.
A ligazón do conto e a seguinte: <a title="Ligazón á wiki" href="http://www.edu.xunta.es/centros/ceipnosasenhoradexuvencos/aulavirtual/mod/wiki/view.php?id=312" target="_blank">Wiki conto colaborativo</a>

Banda deseñada

2011-03-04T02:14:00.000+01:00

Se premedes na imaxe veredes algunha das viñetas que creastes no taller de banda deseñada.

Circuítos eléctricos

2011-03-04T02:13:00.000+01:00

Como tarefa práctica e complementaria ao tema de elctricidade de Coñecemneto do Medio realizamos un circuíto eléctrico no taller de plástica.

O resultado foi o seguinte.

Amor eterno

2011-02-13T02:11:00.000+01:00

Despois de traballar a historia de San Valentín tedes que recitar de memoria o poema de Gustavo Adolfo Becquer titulado "Amor eterno"

Aqui vos dexo dos vídeos para traballalo:

Se vende mamá

2011-02-09T02:07:00.000+01:00

Este é o título do próximo libro que imos a tratar na próxima reunión do Clube de lectura que terá lugar o venres 25 de febreiro, pola tarde, na biblioteca.

"Se vende mamá" é premio Barco de Vapor de 2009. A súa autora, Care Santos

, nesta ocasión, camúflase tras un neno, Óscar, de 8 anos e cóntanos, de manera divertida, cercana e moi real, os conflictos e as dúbidas que pode ter un neno acerca da súa nai...

Banda deseñada

2011-02-06T02:06:00.001+01:00

Imos facer un comic con temática libre. Para a súa realización usaremos o programa Bitstrips que está dispoñble na rede. A imaxe seguinte está realizada con dito programa.

Todos os alumnos do 3º ciclo do CEIP Nosa Sra de Xuvencos temos un aula na que podemos realizar os nosos traballos de banda deseñada.

Caza do tesouro do Día da Paz

2011-01-24T02:04:00.001+01:00

Deberedes completar o seguinte Caza do tesouro e entregar as cuestións ao titor. Coa tarefa da Gran pregunta realizaremos unha exposición nos taboleiros do 3º Ciclo.

Día da Paz

2011-01-13T02:00:00.000+01:00

Xa falta pouco para ó Día da Paz.

Para ir ambientándose un pouco deberedes visionar o seguinte video e facer un comentario nesta entrada sobre o mesmo.

Tarefas realizadas na webquest do Nadal

2011-01-11T01:59:00.001+01:00

Estas son algunhas das tarefas realizadas:

Webquest sobre as Lendas do Nadal

2010-12-09T01:58:00.000+01:00

Durante os próximos días buscaremos información sobre as lendas de Nadal e faremos un gran cartaz con varias delas para ambientar a nosa clase. Usaremos a seguinte webquest para realizar este traballo.

20 de novembro, Día Internacional da Infancia

2010-11-19T01:52:00.000+01:00

Hoxe participamos na xornada festiva que tivo lugar no Pazo de Baión, en Vilanova, para celebrar o Día Internacional dos Dereitos da Infancia. Ó noso centro elaborou un manifesto sobre o dereito que nos tocou traballar e que foi o de "Protección en caso de privación de liberdade".

Tres compañeiros do cole subiron ao estrado a ler o lema ante a presenza de máis de 1000 nenos de toda Galiza e a do presentador da TVG Terio Carrera.

Na festa tamén participou a TVG e nós saímos no programa en directo:

Artigo de "La Voz de Galicia"

Ver reportaxe fotográfica

Dereito ao xogo

2010-11-18T01:48:00.001+01:00

Temos dereito a dispor tempo ,compañeiros y espazos para xogar y desarrollarnos.

Dereito a ter unha familia, por Fernando

2010-11-18T01:48:00.000+01:00

Temos dereito a ter unha familia . Os governos das autoridades rexionais e locais deben facer que se cumpran todos os dereitos recollidos na Convención e deben axudar á familia.

Dereito á igualdade, por Gabriel

2010-11-10T01:44:00.000+01:00

Todos os nenos temos dereitos para non ser maltratados de forma diferente por razón da nosa cultura, relixión, orixe, idioma o sexo pero si pertences a una minoría ética ou relixiosa, débese respectar o teu dereito a vivir segundo a túa cultura, practicar a túa relixión e a falar a túa propia lingua.

Dereito á protección contra os abusos, por Aarón

2010-11-10T01:43:00.000+01:00

Temos dereito a ser protexidos cotra as violacións e as explotacións. As menores de idade espoñen o seu corpo a prostitución e eso haino que exterminar. O governo ten que tomar todas as medidas que fagan falta para impedir a prostitución e outras cousas maís, para estar seguro.

Dereito contra o traballo perxudicial, por Melani

2010-11-10T01:42:00.000+01:00

Temos dereito a ser protexidos contra a realización de calquera traballo que poña en peligro nosa saúde nosa educación e o noso desarrolo

Dereito á saúde, por Breixo

2010-11-10T01:41:00.000+01:00

Temos dereito a coidados médicos e, a desarroiar hábitos saudables, sen drogas e a vivir nun lugar sen contaminación e agradable.

Dereito á Educación, por Juan

2010-11-10T01:39:00.000+01:00

Temos dereito a unha educación gratuíta, de calidade que nos converta nos cidadáns preocupados por o cumprimento dos dereitos humáns no mundo.

Dereito á protección en tempos de guerra ou desastre

2010-11-10T01:38:00.000+01:00

Temos dereito a vivir en paz, a non ser reclutado como soldados e recibir protección especial no caso de ser refuxiados ou víctimas dun desastre natural.

Día Internacional da Infancia

2010-11-09T01:37:00.000+01:00

Durante os próximos días imos a traballar os dereitos da infancia aprobados na Convención de Dereitos do Neno no ano 1989 na ONU e que asinaron todos os paises menos Somalia e EEUU.

Nas seguintes ligazóns atoparedes información sobre o tema:

Novo Videoblog do noso centro

2010-11-06T01:56:00.000+01:00

Como xa son bastantes os videos que temos das actividades realizadas no centro nestes últimos anos, os membros do grupo de traballo "TICs, currículo e biblioteca" elaboramos un novo blog no que iremos colagado todas as películas que teñamos das actividades desenvolvidas no centro. Esperamos que sexa do agrado de toda a comunidade educativa do CEIP Nosa Sra. e Xuvencos.

Se premedes na imaxe de arriba veredes os videos que xa temos publicados.

Tarefas WQ do Samaín

2010-10-28T01:33:00.003+02:00

Estes son algunhas das tarefas realizadas polo alumnado de 3º ciclo coa WQ sobre o Samaín.

Webquest do Samaín

2010-10-17T01:31:00.001+02:00

Deberedes ir á ligazón desta webquest e realizar a tarefa que alí se vos indica. Os traballos deberán estar rematados o xoves 28 de outubro para ser expostos nos corredores do 3º ciclo.

Juul, por Fernando

2010-10-16T13:46:00.000+02:00

Este libro es muy triste porque Juul era un niño de madera y todos los niños de este libro lo insultaban y cada vez se cortaba una parte del cuerpo para qu no se burlaran de él.

Jull, por Gabriel

2010-10-16T13:45:00.000+02:00

É unha historia moi dura porque un neno enfréntase a burlas e insultos doutros nenos.

Eu recoméndoo aos nenos porque cando o lean nunca máis se meteran cos demais.

Jull, por Alex

2010-10-16T13:44:00.001+02:00

Juul tenía el pelo rizado, era una persona diferente a los niños, abusaban del, se reían de Juul y se fue arrancando poco a poco partes de su cuerpo.

As desgracias de Juul, por Melani

2010-10-16T13:44:00.000+02:00

Eu o recomendo ler porque así a xente debería parar de insultar e teríamos un mundo mellor para vivir.

Juul, por Juan

2010-10-16T13:43:00.000+02:00

Era un niño de madera del que los niños se burlaban y le decían de todo, se llamaba Juul. Entonces se rompió todas las partes del cuerpo para que los niños no se burlasen, después sólo quedo con una cabeza y una niña que se llamaba Nora lo cogió y lo acarició, lo limpió y le dio un lápiz para resumir lo que le pasó . Lo recomiendo a niños grandes porque los pequeños se pueden matar.

El libro es triste FIN.

As desventuras de Juul, por Aarón

2010-10-16T13:42:00.000+02:00

Este libro e moi triste, fálache da descriminación e do que podes chegar a facer cando te descriminan, sobre todo os nenos obesos. Non fagas o que fixo Juul

Juul, por Breixo

2010-10-13T13:42:00.000+02:00

Juul es un libro que te enseña a que no te metas con el aspecto de las personas porque esas personas quizá no se lo tome bien. También tiene unas fotografías de un muñeco de madera que expresa muy bien lo que pasa.

El libro es triste, pero muy chulo.

Juul

2010-10-01T13:40:00.000+02:00

O primeiro libro que acordamos traballar no Club de lectura de 3º ciclo foi a historia de Juul de Gregie de Maeyer e Koen Vanmechelen editado por Lóguez, . Un libro quizás dramático, quizás terrible, cruel... pero que seguro que non deixa indiferente a todo aquel que o lea.

"Juul tenía rizos, rizos rojos como hilos de cobre, eso gritaban todos: ¡hilos de cobre!, ¡tienes mierda en el pelo!, ¡caca roja! Un día Juul cogió unas tijeras y rizo a rizo se los cortó..."

Saúdos

2010-09-24T13:37:00.000+02:00

Desde hoxe os alumnos e alumnas de 3º ciclo do CEIP Nosa Sra de Xuvencos dispoñemos dunha nova canle de comunicación.
Aquí reflictiremos novas sobre o noso traballo ao longo do curso.